Da mis Pony a Summerekzem lidet, wird ich versueche usezfinde a was das es lit und was wirksam degäge isch!
Im letschte Jahr isches vor allem im Herbscht (deht wo's so warm gsi isch) extrem schlimm gsi. Au im Summer hät er alles uf- und wegkratzt was irgendwie gange isch (v.a. Mähne, Schweif (am wenigschte) und Buchnaht)
Er hät zwar d' Ekzemerdecki a, aber ich find das nur e näbelösig.
So glaub ich, dass sis Ekzem au sehr Stressbedingt isch, wil s'Ekzem i derä Ziit starch worde isch, wo veränderige, kei ufmerksamkeit und Stallwächsel uf ihn inebroche sind. Das zeigt sich au, das er nur am Hals, deht aber extrem schwitzt (Stresssymtom)
Ich wird das Jahr, de mehüfwand uf mich neh und öpis nois probiere.
Wahrschindlich sowohl Homeopatisch als au mit Füechtigkeitscreme und eventuell wäsch-täg gäge die üsserliche Symtom. D'Decki wird er glich müese apalte.

ich han im herbscht no Föteli gmacht, zu dem Zitpunkt isch aber scho vill wider verheilt gsi...

Buchnaht: Die offne stelle, sind scho wider zue, aber mer gseht no chruschte und guet wo er sich aneschlaat.


mer gseht, dass er sich de letschti Teil vo de mähne abkratzed hät- isch alles erscht im Herbscht passiert!! I sim verchaufsbricht vo Island stat, dass er doppelsitigi mähne gha hebi- alles weg! S'isch eis gefotze und gefilze(wen er d'decki ahät). er hät schuppe bis zum abwinke und hät drum ganzi Huutteili abgworfe ( er hät en Haar und Huutwächsel gmacht...)

---

So, langsam gat's wider los mit chratzchratz! I de Hoffnig, dass ich ihm so en Gfalle tuen han ich scho in letschter Ziit versuecht sini Schuppe under Kontrolle z'bringe! Mer isch ebä zum teil fascht agschneit worde wo sine Schuppe und Haar!
Ich wird mir en Plan mit PlanB-Lösig z'rächtleggä und uf e guues& gsunds Jahr hoffe!
22.2.07

---

Ich han mim Pony d'Mähne razekal abgschnitte: isch Pflegeliecht, si sött wider schön nahwachse und für s'Ekzem isches natürli sehr praktisch.