Ja, ich gib's zue, usm Baschtelalter bin ich nanig usecho!

Das Baschtelitis isch sicherlich nöd ganz ungförlich.

Es füert zu:

- limige Finger

- agmalete Chleider und Körperteil

- verdräckte Zimmer

- Phantasievolle Iddeä

- Verrwirrigszueständ

- stunde im chäller

- stunde a de Nähmaschine

- selbschtufopferig

- verzwiflig

- volle Abfallseck

usserdem zu:

- längere Ufenthalt im OBI, do-it-yourself, Bau& Hobby

- komische Gedanke: " Das chönt ich au sälbermache."

- kriminell läre Portmonnaie

ich und min heilige Tisch

D'Site vo mim Pult isch zunere Magnettafle mutiert

IKEA-Ahoi! Ich han en chuchiufbewahrigs-stab umfunktioniert: eigentlich wäred d'hage für Bratlöffel und Messer aber si gäbed gueti schärehalter... und mit Vorhängklämmerli chamer au no es Zäteli anehänke!


Mini Kaktüsli und Phisalis sölled schön wachse, im Tribhus schützt Mama-Flu die chline Würzeli vor de gemeinde März-Winteribrüch!
(De Plastikdeckel isch une no agschnitte)


Nachere guete Wuche gseht's scho so us..., im Moment sind's volluf beschäftigt mit gross und starch werde!